“Реал” Винисиус ўрнига “Барса” орзу қилаётган юлдузни олиб келади

“Реал” клуби Винисиус Жуниор билан хайрлашиши мумкин. Бразилиялик футболчи учун Саудия Арабистони клублари катта сумма тикмоқда.

Мадридликлар ўз юлдузига муносиб ўринбосар ҳам топиб қўйди.

El Nacional нашрига кўра, “Қироллик клуби” Винисиус Жуниор клубдан кетадиган бўлса, унинг ўрнига “Атлетик” юлдузи Нико Уильямсни олиб келмоқчи.

Ўтган ёзда Никони “Барселона” олишга ҳаракат қилиб кўрди. Бироқ испаниялик ҳужумкор футболчи фаолиятини Бильбаода давом эттиришни маъқул топди ва Каталонияга кўчиб ўтишдан бош тортди.

Уильямснинг “Атлетик” билан шартномаси 2027 йилнинг ярмигача тузилган ва Transfermarkt портали бу ўйинчини 70 миллион еврога баҳоламоқда. “Барселона”дан фарқли равишда “Қироллик клуби”нинг молиявий имкониятлари анча кенглиги бу трансферни бемалол амалга ошириш имконини беради.