“Реал” Холанд ва Мбаппенинг “нозик” жойини топди

Бугунги куннинг энг зўр икки тўпурари – Килиан Мбаппе ва Эрлинг Холанднинг бозори ҳозирдан қайнай бошлаган.

Европанинг деярли барча грандлари мана шу икки юлдуз учун курашмоқда. “Реал” президенти Флорентино Перес ҳам Криштиану Роналду ва Лионель Месси даври тугади, буёғига Мбаппе ҳамда Холанд эраси бошланди, деб ҳисобламоқда.

Шу боис, “Қироллик клуби” молиявий қийин аҳволда бўлишига қарамай, ёш юлдузларни Мадридга олиб келмоқчи. Перес агар бу футболчилар келадиган бўлса, клуб молиявий даромадга эга бўлиши ва қийин вазиятдан чиқиб кетишига ишонмоқда.

“Реал” раҳбарияти гарчи бошқа клублар билан молиявий томондан рақобатлаша олмаса-да, бошқалардан устун жиҳатга эга эканини таъкидламоқда. Мадридликлар ҳар икки футболчининг “Реал”да тўп суришга мойиллигидан устомонлик билан фойдаланиб қолмоқчи.

Флорентино Переснинг бу режаси иш берадими ёки йўқ, буни ёзда билиб оламиз.

Матнда хатолик топсангиз, ўша хатони белгилаб, бизга жўнатинг (Ctrl + Enter)