“Реал” янги мураббийни қанча ишлатиши маълум бўлди

“Реал” раҳбарияти ҳозирги бош мураббий Карло Анчелотти билан амалдаги шартномани муддатидан бир йил олдин бекор қилади.

Италиялик мутахассис ўрнини “Байер” билан ўтган мавсум Бундеслига чемпионлиги ва Германия кубогини қўлга киритган Хаби Алонсо эгаллайди.

Таниқли инсайдер Фабрицио Романо “Қироллик клуби”нинг испаниялик мутахассисга таклиф қилган битими муддатига аниқлик киритди.

Манбага кўра, Хаби Алонсо “Реал” билан 2028 йилнинг 30 июнигача мўлжалланган келишувни имзолайди. Янги мураббий жамоани 15 июндан 13 июлгача АҚШда ўтадиган клублар ўртасидаги жаҳон чемпионатида ҳам бошқариши кутилмоқда.

Ўз навбатда, “Байер” раҳбарияти 2022 йилдан бери клубда ишлаб келаётган Хаби Алонсо жорий мавсум якунланиши билан жамоадан кетишини маълум қилди.