"Реал" "япониялик Месси"ни сотиб юборяпти

"Реал" Мадрид япониялик Такефуса Кубони сотиб юборишга яқин турибди. Унга ҳозирча "Реал" Сосьедад жамоаси асосий даъвогар. 

Мадрид клуби 21 ёшли футболчи яна бошқа жамоага сотиладиган бўлса, 50 фоиз улушга эга бўлади. Шунингдек, "қироллик клуби"да 5 йил давомида Такефусани қайта сотиб олиш ҳуқуқи мавжуд. 

Сўнгги уч йил давомида япониялик иқтидор соҳиби ижара асосида Испаниянинг турли жамоаларида тўп тепди. Жумладан, у "Мальорка", "Хетафе" ва "Вильярреал" каби клублар шарафини ҳимоя қилди.