"Реал" ярим ҳимоячиси АПЛ грандлари ўртасида талаш бўляпти

Мадриднинг "Реал" клуби ярим ҳимоячиси Дани Себальос Англия чемпионатига қайтиши мумкин. 

"Todofichajes" нашри хабарига кўра, испаниялик футболчининг хизматларига Премьер-лиганинг бир неча жамоалари қизиқиш билдирмоқда. "Арсенал", "Эвертон", "Вест Хэм", "Ньюкасль" ва "Астон Вилла" 27 ёшли хавбекни сотиб олмоқчи. "Астон Вилла"устози Унаи Эмери Себальоснинг трансферига шахсан қизиқиш билдирмоқда.

"Transfermarkt" портали Данининг нархини 12 миллион еврога баҳоламоқда. Унинг "қироллик клуби" билан амалдаги шартномаси 2027 йилнинг ёзида якунига етади.