"Реал" етакчилари кутилмаган муаммога дуч келди. Муаммони яширишяпти

«Реал» клубида кутилмаган муаммо юзага келди. Жамоанинг бир нечта футболчиси ортиқча вазн билан машғулотларга қайтгани аниқланган. Бу ҳақда журналист Родра хабар берди.

Маълумотларга кўра, гап жамоанинг етакчи футболчилари ҳақида кетмоқда. Клуб ходимлари уларни очиқча танқид қилишга, ортиқча вазн учун айблашга журъат қилмаяпти. Шу боис, ҳозирча аниқ исмлар ошкор этилмаган.

«Реал»да футболчиларнинг овқатланиши ва жисмоний юкламалари қатъий назорат қилинади. Шунинг учун мутахассислар ортиқча вазнни футболчиларнинг ўзига боғлиқ омил, шахсий интизом етишмаслиги сифатида баҳоламоқда.