"Реал" Йович масаласида таклифлар кутмоқда

"Реал" жорий ёзги трансферлар даврида сербиялик ҳужумчи Лука Йович билан хайрлашмоқчи. Бу ҳақда Marca нашри хабар тарқатмоқда.

Юқоридаги манбага кўра, “Қироллик клуби” 22 ёшли футболчининг трансфери бўйича таклифлар кутмоқда. Мадридликлар уни ижарага беришга ҳам, сотиб юборишга ҳам тайёр.

Йович “Реал” сафига ўтган йилнинг ёзида “Айнтрахт”дан кўчиб ўтган эди. У жорий мавсум 25 та ўйинда майдонга тушди ва 2 та гол ҳамда 2 та голли узатмага муаллифлик қилди.