“Реал” ёзда 300 миллион сарфлайди. Асосий нишон аниқ!

“Реал” раҳбарияти ёзги трансферлар даврида жамоа таркибини кучайтиришга қарор қилди. Карло Анчелоттига янги ижрочиларни олиш учун 300 миллион евро ажратилади.

Шу боис, “Қироллик клуби” январь ойида ҳеч қандай катта савдоларни амалга оширмайди ва мавсум якунланишини кутади.

Бундан ташқари, клуб фақат керакли нуқталарга ўйинчи олиш билан кифояланади. Асосий нишон сифатида “Боруссия” ярим ҳимоячиси Жуд Беллингем белгиланган.

Карло Анчелотти ўнг қанот ҳимоясига ҳам ўйинчи қидирмоқда. Клуб мутасаддилари айнан бўш позицияларни кучайтириш бўйича иш олиб бориши белгиланди.