"Real" yozda braziliyalik vinger bilan xayrlashmoqchi

"Real Madrid" klubi himoya va yarim himoya chizig‘ini kuchaytirish maqsadida yozgi transferlar oynasida Rodrigoni sotmoqchi. Bu haqda "As" nashri ma’lum qildi. 

Manba ma’lumotlariga ko‘ra, Karlo Anchelotti o‘rniga keladigan yangi murabbiy braziliyalik futbolchilarning asosiy tarkibdagi raqobatini kuchaytirmoqda. Vinisius Junior va Kilian Mbappe jamoa hujum chizig‘idagi etakchi o‘yinchilar hisoblanadi. Shu sababli, Rodrigo yozda boshqa klubga o‘tib, faoliyatini davom ettirishi mumkin.

Vingerning klub bilan tuzilgan amaldagi shartnomasi 2028 yilgacha amal qiladi. Madridliklar mazkur transfer orqali katta mablag‘ ishlab olishni rejalashtirgan.

Ma’lumot uchun, Rodrigo ushbu mavsumda La Ligada 30 ta o‘yinda maydonga tushib, 6 ta gol va 5 ta assistni amalga oshirdi.