"Реал" Зидан ўрнига чемпион мураббий ёки ўз афсонасини олиб келиши мумкин

Хабарингиз бор, кеча тунда Европанинг жуда кўплаб нашрларида "Реал" бош мураббийи Зинедин Зиданнинг клубдан кетаётгани ва жамоадагилар билан хайрлашиб улгургани ҳақидаги хабарлар тарқалди. 

"La Gazette dello Sport" нашрининг маълумот беришича, "қироллик клуби" ўзига янги мураббий излашни бошлаб юборган. Ҳозирда Перес олдида "Интер" билан чемпионликка эришгач, жамоани тарк этган Антонио Конте ва "Реал" ёшлар жамоаси бош мураббийи, клуб афсонаси Рауль Гонсалес вариянтлари бор. 

Манбанинг маълумот беришича, "бланкос" яқин соатлар оралиғида Зиданнинг истеъфосини расман эълон қилади. 

Аввалроқ, "галактикос"ни бошқариш учун Массимилиано Аллегри номзоди ҳам тилга олинаётган эди. Аммо итальян мураббийи аллақачон "Ювентус" билан музокараларга киришган.