“Реал”да катта йўқотиш

“Реал”нинг бугунги кундаги энг машҳур футболчисига айланган Килиан Мбаппе йил охиридаги барча учрашувларни ўтказиб юбориши мумкин.

25 ёшли футболчи Европа Чемпионлар лигаси умумий босқич олтинчи турида “Аталанта”га қарши баҳсда жароҳат олганди. Карло Анчелотти 36-дақиқадаёқ Мбаппени захирага олишга мажбур бўлди.

TyC Sports нашрининг маълум қилишича, хали Килианнинг жароҳатига якуний баҳо берилгани йўқ. Лекин мутахассислар мушак билан боғлиқ кичик муаммоларнинг ўзи ҳам футболчининг тикланиши учун муайян муддат талаб қилади.

Энг яхши ҳолатда Мбаппе 14 декабрга белгилинган “Райео Вальекано” билан бўладиган учрашувда иштирок эта олмайди. Шунингдек, 18 декабрга белгиланган Қитъалараро кубок финалини ўтказиб юборади.

Агар жароҳат бироз жиддийлиги аниқланса, Килиан йилнинг сўнгги баҳси – 22 декабрда “Севилья” билан бўладиган тўқнашувда ҳам мадридликларга ёрдам бера олмайди.