“Реал”да нохушлик: Мбаппе, Беллингем ва Диас шифокорга мурожаат қилди

Европа Чемпионлар лигаси умумий босқич бешинчи тур учрашуви “Реал”га ҳар томонлама қимматга тушди.

Англияда “Ливерпуль”дан қақшатқич мағлубиятга учраган мадридликларнинг етакчи ўйинчилари шифокорларга мурожаат қилишига тўғри келди.

COPE нашрининг ёзишича, Жуд Беллингем, Килиан Мбаппе ва Браим Диас учрашувдан кейин ўзини ноқулай ҳис қилган. Энди бу ўйинчилар чуқурлаштирилган тиббий кўрикдан ўтказилганидан кейин уларнинг саломатлиги бўйича хулоса чиқарилади.

Шунингдек, ливерпулликлар билан ўйинда жароҳат олган Эдуардо Камавинга ҳам тиббий текширувдан ўтказалади. Бу кўрик натижасининг шикастланиш даражаси ва тикланиш муддати аниқланади.

Айни пайтда Эдуардо Камавингадан ташқари, яна олти нафар футболчи – Даниэль Карвахаль, Эдер Милитао, Орельен Тчуамени, Давид Алаба, Винисиус Жуниор, Родриго Гоэс жароҳат туфайли сафдан чиққан.