“Реал”да зиддият: Етакчилар Анчелотти устидан раҳбарга шикоят қилди

“Реал” бош мураббийи Карло Анчелотти атрофидаги вазият кескинлашиб бормоқда. Бу жамоанинг Европа Чемпионлар лигаси чорак финалидаги натижаларидан кейин юзага келди.

Маълумки, мадридликлар бу босқичда “Арсенал”га тўқнаш келиб, ҳар икки учрашувда (0:3, 1:2) ҳисобида мағлубиятга учради.

Relevo нашрининг ёзишича, мағлубиятлардан кейин “Реал” ўйинчиларининг бош мураббий Карло Анчелоттига ишончи тамоман сўнди. Ўйинчилар “Арсенал”ни тўхтатиш учун ҳеч нарса ўйлаб топа олмаганидан норози. Италиялик мутахассис учрашув олдидан ўз шогирдларига фақат “ўз кучларингга ишонинглар”, дейишдан бошқа гап айта олмаган.

“Қироллик клуби” президенти Флорентино Перес жамоа етакчилари Анчелоттининг “канонирлар” билан бўлган ўйинга ёндашувидан шикоят қилишганини айтиб ўтди. “Реал”даги гарчи Анчелоттини қаттиқ ҳурмат қилса-да, у қўллаётган футбол эскирган, деб ҳисоблашмоқда.