"Реал"даги франциялик футболчилар Дешамнинг жамоа мураббий бўлишига фикр билдиришди

"Реал Мадрид" бош мураббийи лавозимига Дидье Дешам тайинланиши мумкин.

Журналист Рамон Альварес де Мона маълумотига кўра, Мадрид клуби раҳбарияти Франция терма жамоаси бош мураббийини юқори баҳоламоқда. Шунингдек, "Реал"да ўйнайдиган франциялик футболчилар ҳам Дешам ҳақида ижобий фикр билдиришган.

Бироқ унинг тайинланишига тўсқинлик қилиши мумкин бўлган омил — 2026 йилги Жаҳон чемпионати. Клуб янги мураббий ЧМ-2026дан олдин тайинланишини хоҳламоқда.

Дидье Дешам 2012 йилдан буён Франция миллий терма жамоасини бошқариб келмоқда. Унинг қўл остида Франция 2018 йилда Жаҳон чемпионатида ғолиб чиққан ва 2021 йилда Миллатлар лигаси кубогини қўлга киритган.