“Реал”дан ҳайдалиши кутилаётган Анчелотти ўзига сердаромад иш топиб қўйди

Испания кубоги финалидаги мағлубиятдан кейин Карло Анчелоттининг ўзи ҳам “Қироллик клуби”даги келажагига шубҳа билан қарай бошлади.

Таниқли журналист Сезар Луис Мерлонинг маълум қилишича, 65 ёшли италиялик мутахассиснинг ўзи ҳам клубнинг қарорини кутмоқда. Анчелотти ишсиз қолмайди, албатта.

Манба кўра, Бразилия футбол конфедерацияси италиялик мутахассис билан музокараларда ижобий бурилиш ясагашга муваффақ бўлган.

Бразилияликлар Анчелоттига 2030 йилги жаҳон чемпионатига қадар терма жамоани бошқаришни таклиф қиляпти. Агар машҳур мутахассис бу чорловни қабул қилса, терма жамоалар мураббийлар орасида энг катта маош олади.