“Real”dan ketib to‘g‘ri qilganman!

“Real”ning sobiq sardori Nacho Fernandes yangi mavsum oldidan jamoasini o‘zgartirdi. Markaziy himoyachi qadrdon klubini tark etib, Saudiya Arabistonining “Al-Qodisiya” jamoasiga ko‘chib o‘tdi.

Madridliklar butun faoliyatini “Santyago Bernabeu”da o‘tkazgan futbolchiga yangi shartnoma taklif qilgan edi. Biroq, o‘yinchi qolishni istamadi. 

“Real” hali ham Nachoga munosib o‘rinbosar topa olgani yo‘q. Ispan futbolchisidan qarori haqida so‘rashdi. 

-“Real”dan ketishim haqida mavsum yakunlanishidan ancha oldin bir qarorga kelib bo‘lganman. Klubdagilarning ham bundan xabari bor edi. 
“Al-Qodisiya”ga kelganimdan keyin muayyan vaqt o‘tgan bo‘lsa-da, men qarorim to‘g‘ri bo‘lganiga aminman. Men klubimga hayotimni bag‘ishladim, bu qalbimga xotirjamlik olib kiradi. 

Madridda yana bir yil qolishim mumkinmidi? Balki, qolsam bo‘lardi, lekin “Real” bilan o‘z vaqtida xayrlashganim unutilmas voqea bo‘ldi, - dedi Nacho Fernandes.