“Реал”га бу футболчи керакмас

“Ювентус” ҳужумчиси Душан Влахович Турин клуби атрофида юзага келган кескин вазиятдан норози ҳолда бошқа клубга ўтишга қарор қилган.

Сербиялик тўпурарнинг агентлари унинг хизматларини “Реал”га таклиф қилди. Аввалроқ, мадридликлар истеъдодли ҳужумчига қизиқиш билдирганди.

Бироқ, Libertad Digital нашрининг маълум қилишича, “Реал”нинг танлови ўзгарган. “Қироллик клуби” Душан Влахович вакилларига бу ўйинчига эҳтиёж йўқлигини билдирган.

Душан Влахович даражасидаги ўйинчига бошқа жамоалардан таклиф тушиши кутилмоқда. Яқинда “Манчестер Юнайтед” ҳужум чизиғига бу футболчини олиб келишни истаётгани айтилганди.

“Ювентус” ўз ҳужумчисини 80 миллион еврога баҳоламоқда.