"Реал" Мадрид клуби раҳбарияти бразилиялик ҳимоячи Эдер Милитаонинг жорий мавсумда кўрсатаётган ўйинларидан норози бўлмоқда.

Don Balon нашри тарқатган хабарга кўра “қироллик клуби” ёзда 22 ёшли бразилиялик футболчини сотиб юборишни режалаштирмоқда. Қайд этиш лозимки, мадридликлар уни 2019 йилнинг ёзида “Порту”дан 50 млн евро эвазига сотиб олишган эди.

Маълумот учун, Милитао жорий мавсум “Реал” сафида 13 та ўйинда майдонга тушди. Унинг клуб билан амалдаги шартномаси 2025 йилга қадар имзоланган.

Матнда хатолик топсангиз, ўша хатони белгилаб, бизга жўнатинг (Ctrl + Enter)