"Реал"га ҳакамлар ён босадими? Куртуадан жавоб

Тибо Куртуа "Реал"га ҳакамлар ёрдам бериши ҳақида айтилаётган гапларга ўз муносабатини билдирди. 

Мадрид клуби Ла Лиганинг 30-турида Карим Бенземанинг пенальтидан киритган иккита голи эвазига "Сельта"ни мағлуб этди. Бундан ташқари, француз яна бир 11 метрлик зарбани голга айлантира олмади. 

"Биз мавсумни яхши ўтказмоқдамиз. Ҳакамларнинг қарорлари доим шубҳаларга сабаб бўлади. "Валенсия" бизга қарши баҳсда 3 та пенальти тепганида ҳеч ким индамаганди. Бу футбол", - деди бельгиялик посбон. 

Эслатиб ўтамиз,  2020 йилнинг ноябрида "Реал" "кўршапалаклар"га 4:1 ҳисобида мағлуб бўлган. Тибо 4 голдан 3 тасини пенальтидан ўтказиб юборганди.