"Real"ga hakamlar yon bosadimi? Kurtuadan javob

Tibo Kurtua "Real"ga hakamlar yordam berishi haqida aylilayotgan gaplarga o‘z munosabatini bildirdi. 

Madrid klubi La Liganing 30-turida Karim Benzemaning penaltidan kiritgan ikkita goli evaziga "Selta"ni mag‘lub etdi. Bundan tashqari, frantsuz yana bir 11 metrlik zarbani golga aylantira olmadi. 

"Biz mavsumni yaxshi o‘tkazmoqadmiz. Hakamlarning qarorlari doim shubhalarga sabab bo‘ladi. "Valensiya" bizga qarshi bahsda 3 ta penalti tepganda hech kim indamagandi. Bu futbol", - dedi belgiyalik posbon. 

Eslatib o‘tamiz,  2020 yilning noyabrida "Real" "ko‘rshapalaklar"ga 4:1 hisobida mag‘lub bo‘lgan. Tibo 4 goldan 3 tasini penaltidan o‘tkazib yuborgandi.