“Реал”га муносиб мураббий топилди

Европада бир неча гранд клуб янги бош мураббий топиш билан овора. Хусусан, Зинедин Зидан бош мураббийликни топширган “Реал” ҳам жамоани келаси мавсумга муносиб тарзда тайёрлайдиган мутахассис қидирмоқда.

Аслида мадридликлар франциялик мутахассис ўрнига Массимилиано Аллегрини олиб келмоқчи эди. Лекин уни “Ювентус” илиб кетди.

“Қироллик клуби” жамоа бошқарувига ПСЖдан кетишга қарор қилган Маурисио Почеттинони олишни истамоқда. Бироқ, аргентиналик мураббий “Тоттенхэм”га қайтмоқчи ва бу борада музокараларни бошлаб юборган.

“Реал” рўйхатида “Интер”ни чемпион қилган Антонио Конте ва “Реал”да юлдузли онларини ўтказган Рауль ҳам бор.