“Реал”га йўқ дейдиганлар ҳам бор экан

“Севилья”нинг 21 ёшли ҳимоячиси Жюль Кунде ўзига “Реал”дан жиддий қизиқиш бўлаётгани ҳақидаги хабарларга жавоб берди.

- Мен олдимда бўш ҳудудни кўрсам, ҳужумга ташланаман ва бу менга ёқадиган услуб. “Севилья”да бош мураббий менга шундай ўйнашим учун имконият яратиб беради. Албатта, “Реал”дек клуб эътиборига тушганим яхши. Лекин менга “Реал” керак эмас, - деди Кунде.

Франциялик ҳимоячи Испанияга ўтган йили “Бордо”дан олиб келинган эди. Якунланган мавсумда 37 та ўйинда иккита гол урган Кундега “Реал” катта умид боғламоқда.