“Real”ga yo‘q deydiganlar ham bor ekan

“Sevilya”ning 21 yoshli himoyachisi Jyul Kunde o‘ziga “Real”dan jiddiy qiziqish bo‘layotgani haqidagi xabarlarga javob berdi.

- Men oldimda bo‘sh hududni ko‘rsam, hujumga tashlanaman va bu menga yoqadigan uslub. “Sevilya”da bosh murabbiy menga shunday o‘ynashim uchun imkoniyat yaratib beradi. Albatta, “Real”dek klub e’tiboriga tushganim yaxshi. Lekin menga “Real” kerak emas, - dedi Kunde.

Frantsiyalik himoyachi Ispaniyaga o‘tgan yili “Bordo”dan olib kelingan edi. Yakunlangan mavsumda 37 ta o‘yinda ikkita gol urgan Kundega “Real” katta umid bog‘lamoqda.