"Реал"нинг янги мураббийи ким бўлиши аниқ

Ҳозирда "Байер"ни бошқариб келаётган испаниялик мутахассис Хаби Алонсо 2025 йилнинг ёзида "Реал Мадрид"нинг янги бош мураббийи бўлади. Бу ҳақда журналист Флориан Плеттенберг хабар берди.

Аввалроқ, Плеттенберг "Манчестер Сити" ҳам Алонсога қизиқиш билдираётганини маълум қилганди. Бироқ "Байер" испаниялик мутахассис айнан "Қироллик клуби"ни бошқаришига ишонмоқда.

Шунингдек, Алонсонинг "Реал"га келиши жамоанинг ҳужумкор ярим ҳимоячиси Флориан Вирцнинг Испания грандига ўтиш имкониятларини оширади.

Маълумот учун, "Лос-Бланкос"нинг амалдаги мураббийи Карло Анчелоттининг клуб билан шартномаси 2026 йилнинг ёзига қадар амал қилади.