"Реал"нинг ёзда илк трансфер қиладиган футболчиси маълум

"Реал" клубининг ёзда трансфер қиладиган илк футболчиси номи маълум бўлди. Бу ҳақда таниқли инсайдер Фабрицио Романо хабар берди. 

Манбага кўра, "қироллик клуби" "Челси" ҳимоячиси Антонио Рюдгерни ўз сафига қўшиб олади. Футболчи Лондонда тиббий текширувдан ўтгани айтилмоқда.  

Рюдигер "қаймоқранглилар" билан 2026 йил июнь ойига қадар амал қиладиган шартномага имзо чекади. Трансфернинг молиявий тарафлари ҳали ошкор қилинмади.  

Маълумот ўрнида, Рюдигер жорий мавсум АПЛнинг 34 ўйинида 3 гол ва 2 ассист муаллифига айланган.