Ребич Милан дербисида "Милан"га ёрдам беролмайди

“Милан” ярим ҳимоячиси Анте Ребич “Интер”га қарши бўладиган дербини ўтказиб юборади.

27 ёшли футболчи сентябрь ойи охирида “Кротоне”га қарши баҳсда тирсагидан жароҳат олган эди. Шу сабабли у “россонерилар”нинг сўнгги иккита беллашувида иштирок эта олмади.

“Милан” шифокорлари хорватиялик футболчининг саломатлиги бўйича таваккал қилишни хоҳламаяпти ва шу сабабли у “Интер”га қарши ўйинда майдонга тушмайди.

Яқиндагина коронавирусдан соғайган ҳужумчи Златан Ибрагимович эса “нерадзуррилар”га қарши ўйинда иштирок эта олади.

«Интер» – «Милан» учрашуви 17 октябрь куни Тошкент вақти билан соат 21:00 да бошланади.