Рим папасининг вафоти сабаб қолдирилган ўйинлар қайси санага кўчирилди?

Душанба, 21-апрел куни Рим папаси Франсиск ҳаётдан кўз юмди. У 88 ёшида вафот этди.

Мазкур фожиали ҳодиса муносабати билан Италия чемпионатининг 33-турига белгиланган "Торино"-"Удинезе", "Каляри"-"Фиорентина" ва "Женоа"-"Лацио" учрашувлари  23-апрел кунига қолдирилди. 

Ҳозирда, А Серия турнир жадвалида етакчиликни Миланнинг “Интер” клуби эгаллаб турибди — Симон Индзаги шогирдлари 71 очкога эга. Иккинчи ўринда шунча очкога эга бўлган “Наполи” бормоқда. Кучли учликни 64 очко тўплаган “Аталанта” якунлаб турибди. 

А Серияда жон сақлаш учун "Лечче", "Эмполи" ва "Венеция" жамоалари курашишмоқда. Уларнинг орасидаги фарқни бир очко ажратиб турибди. "Монза" клуби эса, 33 та ўйинда 15 очко тўплаб, Б Серияга йўлланмани нақд қилган.