Рингда ҳушидан кетган боксчи бироз ўтиб вафот этди

40 ёшли нигериялик Габриэль Олусегун Оланреваджу ярим оғир вазн тоифасида ганалик Жон Мбанугуга қарши жанг қилди. Бироқ 3-раунд давом этаётган бир пайтда Габриэль тўсатдан ҳушини йўқотди.

Унга, тезкорлик билан биринчи ёрдам кўрсатилгач, дарҳол Корле-Бу касалхонасига олиб кетилди. Бироқ орадан ярим соат ўтгач боксчининг вафот этгани эълон қилинди. Бу ҳақда BBC хабар бермоқда.

Маълумот учун, бу жанг Олусегуннинг фаолиятидаги 24-жанги бўлиши керак эди. Бу вақтгача у 13 марта ғалаба қозонган ва саккиз бор мағлубият аламини тотиб кўрган, шунингдек, иккита жангни дуранг билан якунлаган.