Ривалдо Месси қайси жамоаларга ўтиши мумкинлигини айтди

Бразилиялик футбол юлдузи Ривалдо “Барселона” форварди Лионель Месси АҚШ ёки Хитой клубларидан бирига ўтиши мумкинлигини айтди.

“Месси “Барселона”дан кетишига ишонмайман. У фаолиятини “Камп Ноу”да якунлайди деб ўйлайман. У жамоа билан 14 йилдан буён бирга. Улар клуб билан ўзаро жуда яқин. У Тотти ва Рожерио Сени каби фақат бир жамоанинг футболчиси бўлиб қолади.

Лео “Барселона”га қарши ўйнашига ишонмайман. Агар у кетса, фақатгина Хитой ёки АҚШга кетади”, - дейди Ривалдо.

Эслатиб ўтамиз, бундан аввалроқ Месси "Барса" раҳбарияти билан келиша олмаётгани ва шу боис жамоадан кетиши мумкинлиги ҳақида хабарлар тарқалган эди.