Ривалдо "Реал" футболчисини "Олтин тўп"га муносиб деб билади

Риволдонинг фикрича, Винисиус "Олтин тўп"ни қўлга киритиш учун яхши имкониятга эга. 

"Реал"нинг ўйинидан келиб чиқсак, шубҳасиз у ҳозир энг муҳим футболчи. 

"Винисиусда "Олтин тўп"ни қўлга киритиш учун ажойиб имконият бор. У аллақачон жуда яхши ва ўтган мавсумда ҳам бунга лойиқ эди. У айни дам дунёнинг энг яхши уч футболчисидан бири. У овоз бериш жараёнида шубҳасиз Мбаппедан олдинда. 

Ўйлайманки, Чемпионлар лигаси финали "Олтин тўп"ни ким қўлга киритишини аниқлаб беради. Шунингдек, "Реал"нинг яна бир футболчисида бундай имконият бор. Бу - Беллингем. Финал баҳсида у собиқ клубига қарши ўйнайди. Ҳаммаси воқеалар қандай ривожланишига боғлиқ", - деди "Ривалдо. 

Бразилиялик футболчи жорий мавсум "Реал" сафида 36 ўйинда майдонга тушиб, 21 та гол урди ва 9 та голли узатма амалга оширди.