Риёд Махрез: "Манчестер Сити"дан ҳеч қаерга кетишни хоҳламайман

"Манчестер Сити" клуби ярим ҳимоячиси Риёд Махрез ёзда жамоадан кетишни режалаштирмаётганини айтди.

“Ҳамма нарса аллақачон шаклланиб бўлган жамоага киришиб кетиш осон эмас. Шу боис мен бу ерда қийин бўлиши билгандим, бироқ, мен ўз кучимга ишонаман.

Қачонки имконият бўлиши билан мен ўзимни кўрсатаман. “Брайтон”га қарши баҳсда жамоага ёрдам бердим. Мен “Сити”да бахтлиман ва ҳеч қаерга кетишги хоҳламайман”, - дейди жазоирлик футболчи.

Эслатиб ўтамиз, бундан аввалроқ Махрез етарли ўйин амалиётига эга бўлолмаётгани сабаб бошқа жамоага ўтиш истагида эканлиги ҳақида хабарлар тарқалган эди.

Маълумот учун, Махрез жорий мавсум “Манчестер Сити” сафида 27та ўйинда майдонга тушди ва 7та гол ҳамда 4та голли узатмага муаллифлик қилди. Унинг клуб билан амалдаги шартномаси 2023 йилга қадар имзоланган.