Роберт Левандовски Жоау Канселу трансферига қўшилиши мумкин

"Барселона" ҳужумчиси Роберт Левандовски португалиялик ҳимоячи Жоау Канселу учун амалга оширилаётган трансфер операциясига қўшилиши мумкин.

Бундан аввал хабар қилинганидек, каталониялик клуб португалиялик футболчини харид қилишга яқин турибди.

Инсайдер Саша Тавольерининг маълумотига кўра, саудияликлар трансферга ҳужумчини қўшишни таклиф қилишган – улар уни ярим йиллик ижарага олишни исташмоқда.

Агар таклиф қабул қилинса, "Барселона" Левандовскининг маошида тежамкорлик қилиши мумкин ва футболчи "Ал-Ҳилол"да "блауграналиклар"га қараганда кўпроқ даромад олади.

Мумкин бўлган трансфер ҳақида қарорни футболчи ўз вақтида қабул қилиши лозим. Ҳозирча унинг бу масаладаги мавқеи маълум эмас.

Жорий мавсум Ла Лигада Левандовски 14 та ўйин ўтказди ва 9 та гол урди.