Роберто Де Зерби "Тоттенхэм"нинг янги бош мураббийи бўлади

Лондоннинг "Тоттенхэм" клуби италиялик мураббий Роберто Де Зерби билан принципиал келишувга эришди, деб хабар беради журналист Жанлука Ди Марцио. Ҳозирда томонларга охирги тафсилотларни келишиш қолган.

"Шпорлар" мутасаддилари бир неча кун аввал Игорь Тудорни истеъфога чиқарган эди. Жамоанинг сўнгги ўйинлардаги натижаси бунга асосий сабаб сифатида кўрсатилмоқда.

"Тоттенхэм" АПЛ турнир жадвалининг 17-ўринни эгаллаб турибди ва 31 турдан сўнг 30 очко тўплади.

Де Зербининг сўнгги иш жойи — "Марсель" клуби бўлиб, у ерда 2024 йил июндан 2026 йил февралга қадар фаолият юритган.