Родри бошқа жамоага ўтади: Бу клубга йўқ деб бўлмайди!

“Манчестер Сити” таркибида ўйнаётган “Олтин тўп” соҳиби Родри Мадриднинг “Реал” клубига ўтиш эҳтимолини истисно қилмаслигини билдирди.

Унинг сўзларига кўра, дунёдаги энг кучли клублар таклифини рад этиш қийин.

- Мен илгари “Атлетико”да ўйнаганим “Реал”га ўтишимга тўсқинлик қилмайди. Энг яхши клубларга рад жавобини бериш қийин.

“Сантьяго Бернабеу”да ҳар доим ўзига хос муҳит бўлади. Мен Ла Лигага қайтишни истардим, ҳали ҳам бу чемпионатни кузатаман.

Премьер-лига ҳам менга ёқади, у жуда қийин, аммо ҳозир мен бу ерда бахтлиман. “Манчестер Сити” билан шартномам яна бир йил амал қилади. Бир кун келиб ўтириб трансферни гаплашамиз,  - деди Родри.

29 ёшли футболчининг трансфер қиймати Transfermarkt портали маълумотига кўра 65 миллион еврони ташкил қилади.