Rodrigo: "Braziliya uchun oxirigacha kurashamiz"

Braziliya milliy terma jamoasi futbolchisi Rodrigo Chili bilan o‘yindan so‘ng, braziliyaliklarning harakatlarini e’tirof etdi. 

"Juda muhim g‘alaba. Eng boshida o‘tkazib yuborilgan gol bilan boshlash har doim qiyin bo‘lgan. Biz juda erta gol o‘tkazib yubordik va bu bizning rejalarimizni buzdi. Biz o‘ynashni to‘xtatmadik va Luisning goli evaziga bellashuvga qayta oldik.

Jamoa bor kuchini berganini ko‘rish yoqimli bo‘ldi. Garchi hamma ham o‘zining eng yaxshi futbolini ko‘rsata olmagan bo‘lsa-da, yigitlarning barchasi harakat qildi va terma jamoa o‘yinga to‘lig‘icha o‘zini bag‘ishladi", - dedi braziliyalik vinger.