Рожерс яна собиқ жамоасига қайтиши мумкин

АПЛда "Ливерпуль" ва "Лестер"даги фаолияти билан танилган мутахассис Брендан Рожерс фаолиятини Шотландияда давом эттириши мумкин. Sky Sports хабарига кўра, шимолий ирландиялик мураббийга "Селтик" қизиқиб қолган.

Манбанинг қайд этишича, 50 ёшли мутахассис Шотландия гранди раҳбарияти билан дастлабки музокараларни ҳам ўтказган. Музокараларнинг навбатдаги босқичи шу ҳафта охирида бўлиб ўтади.

Эслатиб ўтамиз, Рожерс "Селтик"да аввал ҳам фаолият юритган. У 2016 йилдан 2019 йилгача жамоани бошқарган. Брендан бошчилигида жамоа Шотландия чемпиони, мамлакат кубоги ва Шотландия лига кубоги соҳибига айланган.