"Рома" 14 йиллик антирекордини ўрнатди
"Рома" ўз майдонида Чехиянинг "Виктория Плзен" клубига кутилмаганда мағлуб бўлди (1:2).
Римликлар Европа Лигаси учрашувининг 22-дақиқасида иккита тўп ўтказиб юборди ва бунга фақат Пауло Дибаланинг иккинчи бўлимда пенальтидан аниқ зарбаси билан жавоб қайтарди. "Opta" хабарига кўра, "Рома" жамоани Винченсо Монтелла бошқарган 2011 йил баҳоридан бери биринчи марта барча мусобақаларда кетма-кет учта уй учрашувида мағлуб бўлди.
Эслатиб ўтамиз, Жан Пьеро Гасперини жамоасида оддий рақиблар бўлмаган: 18 октябрь куни "бўрилар" А Серияда Миланнинг "Интер" клубига 0:1 ҳисобида ютқазган бўлса, ой бошида худди шу ҳисобда Европа Лигасида Франциянинг "Лилль" жамоасига мағлуб бўлганди.
Фикрлар