"Рома" 34 ёшли Коларовга янги шартнома таклиф қилмоқда

Римнинг “Рома” клуби мавсум сўнггида шартномаси якунланадиган ҳимоячи Александр Коларов билан шартномани узайтириш бўйича ишлар олиб бормоқда.

Берилган маълумотларга қараганда “бўрилар” 34 ёшли сербиялик футболчига “1+1” кўринишида шартнома таклиф қилишмоқда. Бироқ, Коларовнинг маоши ўзгармасдан қолади, яъни йилига 3 млн евро.

Бундан ташқари “Рома” раҳбарияти Коларовга фаолиятини якунлагач клуб тузилмасида иш таклиф қилишга ҳам тайёр.

Маълумот учун, Коларов жорий мавсум “Рома” сафида жами 22 та ўйинда майдонга тушди ва 5 та гол ҳамда 2 та голли узатмага муаллифлик қилди.