"Рома" футболчиси Аргентинада тўп тепиши мумкин

"Рома" футболчиси Пауло Дибала фаолиятини бошқа клуб сафида давом эттириши мумкин. Бу ҳақда "Calciomercato" нашри хабар бермоқда.

Манбада берилган маълумотга кўра, Рим клуби раҳбарияти аргентиналик футболчи билан шартномани узайтирмасликка қарор қилган. Ҳужумчининг жамоа билан амалдаги шартномаси 2026 йилнинг ёзида якунига етади. Дибалага ҳозирда "Бока Хуниорс" қизиқиш билдирмоқда. Аргентина клубига аллақачон Пауло "Рома"га керак эмаслиги ҳақидаги маълумот етиб келган. Форварднинг ўзи ҳам она юртига қайтиш ниятида.

Эслатиб ўтамиз, 32 ёшли футболчи жорий мавсум Италия клуби сафида 13 та учрашувда майдонга тушиб, 2 та гол киритган ва 1 та голли узатма амалга оширган.