"Рома" футболчиси билан шартномани узайтирди. Унга "Юве" ва "Тоттенхэм" қизиқиш билдирган эди

"Рома" клуби ярим химоячиси Николо Дзаньоло билан шартномани узайтирди.

20 ёшли футболчининг янги битими 2024 йилгача амал қилади.

"Мен бир йил олдин "Рома" номзодини иккиланмай танлагандим. Бугунги қарор янада осонроқ бўлди. Ўз кучимни шу ерда синаш имконини бергани учун жамоага миннатдорчилик билдираман. Бу айнан мен хоҳлаган нарса," - деди Дзаньоло.

Ўтган мавсум, футболчи "А" Серия доирасида 27 та беллашувда иштирок этди ва 4 та гол уриб, 2 бор ассистентлик қилди.

Аввалроқ, ярим химоячига "Ювентус", "Милан" ва "Тоттенхэм" клублари қизиқиш билдираётган эди.