“Рома” футболчисининг “Реал” эътиборидан “боши осмонга етди”

“Рома”нинг янги футболчиси Марио Эрмосо ўзига “Реал” қизиқиш билдираётгани ҳақидаги хабарларга муносабат билдирди.

- Ҳа, мен бу хабарларни кўрдим. Мени “Реал”дек буюк клуб билан боғлашаётгани ғурур бағишлайди.

Мен “Реал” академиясида тарбияланганман. Шунинг учу улар менинг ривожимга қўшган ҳиссасидан жуда ҳам миннатдорман, - деди Марио Эрмосо.

29 ёшли Эрмосо “Реал” тарбияланувчиси ҳисобланади. Бироқ асосий таркибга кира олмаган. Испанияда “Реал Вальядолид”, “Эспаньол” ва “Атлетико Мадрид” клубларида ўйнаган.

Тажрибали ҳимоячи янги мавсумда “Рома” таркибига қўшилди ва римликлар билан 2027 йилнинг ярмига шартнома имзолади.