“Рома” гапга кўнмади

“Рома” спорт директори Тьягу Пинто қишки трансферлар вақтида бир неча футболчилар, хусусан, бош мураббий Жозе Моуриньо билан келиша олмай қолган нидерландиялик ҳимоячи Рик Карсдорпни ҳам сотиб юбормоқчи.

Римликларга бу футболчини сўраб, “Ювентус” бир неча бор мурожаат қилди. Дастлаб, туринликларнинг ижара ҳақидаги сўрови қабул қилинмади.

Кейинроқ, “Ювентус” раҳбарияти “Рома”га Рик Карсдорпни бериб, ўрнига Маттиа де Шильони олишни таклиф қилди.

SportMediaset нашрининг хабар беришича, Тьягу Пинто туринликларнинг бу вариантини ҳам рад этди. “Рома” Карсдорпни 10-12 миллион еврога сотиб юбориб, ундан тўлиқ қутилмоқда.