"Roma" himoyachisi faoliyatini La Liga grandi safida davom ettirishi mumkin

Madridning “Atletiko” klubi yozda “Inter”ga o‘tishi aytilayotgan himoyachi Diego Godinga munosib o‘rinbosar qidirishni boshlab yubordi.

Calciomercato nashri tarqatgan xabarga ko‘ra “matraschilar” urugvaylik futbolchi o‘rniga “Roma”ning gretsiyalik himoyachisi Kostas Manolasni olib kelishmoqchi. Ta’kidlash kerakki Manolasning tovon puli 36 million evroni tashkil etadi. Unga shuningdek “Manchester Yunayted” va “Yuventus” klublaridan ham qiziqishlar mavjud.

Ma’lumot uchun, Manolas joriy mavsum Italiya A Seriyasida jami 21ta o‘yinda maydonga tushdi va o‘z hisobiga 1ta gol hamda 1ta golli uzatma yozdirib qo‘yishga erishdi.