"Рома" ҳужумчисига 3 та топ-клуб қизиқиш билдирмоқда

"Рома" ҳужумчиси Николо Заньоло фаолиятини бошқа клубда давом эттириши мумкин.

"La Gazzetta dello Sport" нашри тарқатган хабарга кўра, италиялик футболчига бир вақтнинг ўзида 3 та топ-жамоа қизиқиш билдирмоқда. "Боруссия" Дортмунд, "Атлетико" ҳамда "Милан" уни ўз таркибида кўрмоқчи.

Римликларнинг ўзи ҳам Николога янги шартнома таклиф этяпти, аммо томонлар ҳали бир тўхтамга келгани йўқ. Унинг "бўрилар" билан амалдаги келишуви 2024 йилгача мўлжалланган.

24 ёшли вингернинг "Transfermarkt" порталидаги нархи 30 миллион еврога тенг. Заньоло 2018 йилдан бери "Рома" шарафини ҳимоя қилиб келади.