“Рома” қийин танлов қаршисида

Босниялик ҳужумчи Эден Жеконинг Римдаги фаолияти жамоасининг Европа Чемпионлар лигасига йўлланма олишига боғлиқ бўлиб қолди.

Агар “Рома” қитъанинг энг нуфузли мусобақасига чиқолмаса, иқтисодий муаммоларни бартараф этиш учун ёзги трансферлар вақтида моҳир тўпурарини сотишга мажбур бўлади.

2016 йилдан буён Римда тўп сураётган Жеко ўтган йили жамоаси билан 3 йиллик шартнома имзолаган эди. Айни пайтда “Рома” А Серияда бешинчи ўринда бормоқда.