"Рома" қийинчилик билан бир очко қўлга киритди. Шомуродов 67-дақиқада майдонга тушди

Конференциялар лигаси 4-туридан ўрин олган "Рома" - "Будё-Глимт" учрашуви якунига етди. Мазкур баҳсда 2:2 ҳисоби қайд этилди. 

Биринчи бўлим якунида Сольбаккен учрашувда ҳисобни очди. 54-дақиқада Эл-Шаарави мувозанатни тиклади. Бироз ўтиб меҳмонлар футболчиси Ботхейм жамоасини яна олдинга олиб чиққан бўлса, 84-дақиқада Ибаньес ҳисобни тенглаштиришга муваффақ бўлди. 

Эслатиб ўтамиз, ушбу учрашувда легионеримиз Элдор Шомуродов 67-дақиқада захирадан майдонга тушди.  



Мазкур турда Конте бошчилигидаги "Тоттенхэм" ўз майдонида "Витесс" клубини қабул қилиб, 3:2 ҳисобидаги қийин ғалабани қўлга киритди.