"Рома" раҳбарияти келишиб олди

"Рома" мураббийлар штаби ва футболчилари коронавирус пандемияси ортидан маошларни қисқартириш бўйича келишувга эришди.

Corriere dello Sport нашри манбасига кўра, футболчиларнинг март-июнь ойларидаги маошларидан маълум фоизлар ушлаб қолинади. Шунингдек, клубнинг топ-менежменти ходимлари март ойидаги маошларидан тўлақонли воз кечишган.

Маълумот ўрнида, 18 апрель кунги ҳолатга кўра, жаҳон бўйича 2 256 844 киши, Италияда эса 172 434 киши коронавирус юқтириб олганлиги аниқланган.