“Рома” Шомуродов ва яна 18 нафар футболчини кузатиб қўйди!
Жаҳоннинг аксарият лигаларида ФИФА кунлари муносабати билан қисқа танаффус эълон қилинди. Энди футбол ишқибозлари ўз мамлакатлари терма жамоалари иштирокидаги расмий ва ўртоқлик ўйинлари гувоҳи бўлишади.
Ўз юртлари терма жамоаларига жалб қилинган футболчилар икки ҳафта давомида ўқув-машғулот йиғинлари ва халқаро ўйинларда қатнашиши белгиланган.
Жумладан, Ўзбекистон терма жамоаси ҳам 2026 йилги жаҳон чемпионати саралаш мусобақаси учинчи босқичидаги юришини бошлайди. Бош мураббий Сречко Катанец сентябрь ойи йиғини ва ўйинларига “Рома”да қолган ҳужумчимиз Элдор Шомуродовни ҳам чақирди.
Умуман олганда, “Рома” Элдор Шомуродовдан ташқари, яна 18 нафар футболчиси турли мамлакатлар терма жамоаларига кузатиб қўйди.
Бу борада Рим клуби фаолиятини ёритиб келаётган laroma24.it сайти батафсил маълумот тарқатди. Ушбу манбага кўра, “Рома” клуби вакиллари 4-10 сентябрь куни бўладиган ўйинларда иштирок этади.
Лоренцо Пеллегрини: Франция - Италия (6 сентябрь), Исроил - Италия (9 сентябрь)
Эван Ндика: Кот-д'Ивуар - Замбия (6 сентябрь) Чад - Кот-д'Ивуар (10 сентябрь)
Никола Залевски: Шотландия-Польша (5 сентябрь), Хорватия - Польша (8 сентябрь)
Артём Довбик: Украина - Албания (7 сентябрь), Чехия - Украина (10 сентябрь)
Зеки Челик: Уэльс - Туркия (6 сентябрь), Туркия - Исландия (9 сентябрь)
Леандро Паредес, Матиас Суле, Пауло Дибала: Аргентина - Чили (сентябрь), Колумбия - Аргентина (10 сентябрь)
Элдор Шомуродов: Ўзбекистон – Шимолий Корея (5 сентябрь), Қирғизистон - Ўзбекистон (10 сентябрь)
Алексис Салемакерс: Бельгия - Исроил (6 сентябрь), Франция - Бельгия ( 9 сентябрь)
Ману Коне: Франция - Италия (6 сентябрь), Франция - Бельгия (9 сентябрь)
Сауд Абдулҳамид: Саудия Арабистони - Индонезия (5 сентябрь), Хитой – Саудия Арабистони (10 сентябрь)
Мэтью Райан: Австралия - Баҳрайн (5 сентябрь ), Индонезия - Австралия (10 сентябрь)
Томмазо Балданзи, Никколо Пизилли: Италия - Сан-Марино (5 сентябрь), Норвегия - Италия (10 сентябрь)
Сэмюэл Даль: Швеция - Гибралтар (6 сентябрь), Молдова - Швеция (10 сентябрь)
Ренато Марин, Федерико Нарден: Англия - Италия (4 сентябрь), Италия - Шотландия (7 сентябрь)
Буба Сангаре: Испания U-19 терма жамоаси ўқув-машғулот йиғини (3-8 сентябрь).
Элдор Шомуродов жаҳон чемпионатига чиқиш учун курашаётган терма жамоамиз сардори ва энг зўр тўпурари ҳисобланади. 29 ёшли форвард халқаро миқёсда 72 та учрашувда рақиблар дарвозасига 40 та гол урган.
Ўзбекистон терма жамоаси жаҳон чемпионати саралаш мусобақаси учинчи босқичида Корея Халқ Демократик Республикаси, Қирғизистон, Эрон, Қатар ва Бирлашган Араб Амирликлари терма жамоалари билан рақобатлашади. Қоидага кўра, гуруҳда дастлабки икки ўринни эгаллаган терма жамоалар жаҳон чемпионатига тўғридан тўғри чиқади. Учинчи ва тўртинчи ўрин соҳиблари йўлланма учун курашни давом эттиради.
Фикрлар