“Рома” Шомуродовга яна бир рақобатчи олиб келмоқда

“Манчестер Юнайтед” ярим ҳимоячиси Жесси Лингард фаолиятини А Серияда давом эттириши мумкин.

"Gazzetta dello Sport" нашри хабарига кўра, футболчига Римнинг "Рома" клуби жиддий қизиқиш билдирмоқда. 29 ёшли англиялик билан шартнома имзолашни “бўрилар” бош мураббиий Жозе Моуриньонинг шахсан ўзи истамоқда. Португалиялик мутахассис олдин “қизил иблислар” сафида Жесси билан ишлаган ва унинг нималарга қодирлигини яхши билади.

30 июнь куни “Манчестер Юнайтед” ҳамда Лингард ўртасидаги шартнома якунига етади. Клуб футболчи билан янги битим имзоламагач, ярим ҳимоячи шу ойнинг охирида манкунианликлар сафини эркин агент мақомида тарк этишини маълум қилди.