"Рома" трансфер бозорини тарк этгани йўқ

Грециянинг "Олимпиакос" клуби шарафини ҳимоя қилаётган гвинеялик ярим ҳимоячи Муҳаммад Камара фаолиятини Италия А сериясида давом эттириши мумкин.

Журналист Фабрицио Романо тарқатган хабарларга кўра, "Рома" футболчини сотиб олишга ҳаракат қилмоқда. Рим клуби "Олимпиакос" билан Камара борасида музокара жараёнини бошлаб юборди. Футболчининг ўзи эса "бўрилар" раҳбарияти билан шартнома борасида аллақачон келишиб олган.

"Рома" Италия чемпионатининг янги мавсумини иккита ғалаба билан бошлади. Жозе Моуриньо шогирдларининг кейинги рақиби Туринда "Ювентус" клуби ҳисобланади.