"Рома" ва Моуриньо томон келаётган табриклар тўхтамаяпти

"Рома" конференциялар лигасида зафар қучганидан яхшигина хабардорсиз. Шу муносабат билан кўплаб жамоалар Рим клуби ва бош мураббий Жозе Моуриньони ушбу ғалаба билан муборакбод этмоқда. 

Жумладан, "Интер" жамоаси "Рома" ва Моуриньони қуйидагича табриклади:

"Клуб ва Жозени ғалаба билан қутлаймиз! Ҳалқаро майдондаги ғалаба ҳар доим эътирофга сазовор. Айниқса, битта юрт вакиллари учун".

Шунингдек, "Порту" клуби ҳам Моуриньо ҳамда Серхио Оливейрани чемпионлик билан қутлади:

"Жозе Моуриньо ва Серхио Оливейрани конференциялар лигасидаги ғолиблик билан табриклаймиз!".

Маълумот ўрнида, Моуриньо 2002-2004 йиллар оралиғида "Порту"да, 2008-2010 йиллар оралиғида эса "Интер" клуби бош мураббийи сифатида иш олиб борган.