"Рома" вакили эркин агент сифатида "Интер" сафига бориб қўшилади

"Рома" футболчиси Генрих Мхитарян фаолиятини Италиянинг бошқа жамоасида давом эттиради. Бу ҳақда таниқли журналист Фабрицио Романо хабар берди.

Манбага кўра, ҳужумкор ярим ҳимоячининг хизматларига "Интер" клуби жиддий қизиқиш билдирмоқда. Оғзаки келишув ва тиббий текширув масаласи ҳам ҳал қилинган.  

Арманистонлик иқтидор соҳиби ҳам Рим клубини тарк этишга қарши эмас. У чемпионлар лигасида ҳаракат қиладиган жамоа билан шартнома имзолашни мақсад қилган. 

Трансфер тез орада расман эълон қилинади.